Nýtt viðhorf til matar
Nýtt viðhorf til matar
Ummæli einstaklings:
"Ég reyni að matbúa og snæða allar máltíðir af kærleika og umhyggju. Tími skyndibita er liðinn hjá minni fjölskyldu. Ég lít á þann tíma sem ég nýti til að útbúa daglegar máltíðir sem ómissandi hráefni í uppskirft að fullkominni heilsu.”
- Diana Dyer, M.S., R.D., þreföld krabbameinskempa
Þegar þú leggur niður fyrir þér hvernig þú ætlar að haga mataræði þínu að meðferð lokinni máttu ekki gleyma að bæta ánægju í uppskriftina. Ekki neita sjálfri þér um það sem þér þykir best; súkkulaði, eplaköku eða hvað það nú kann að vera sem kitlar bragðlaukana. Borðaðu bara ekki hugsunarlaust. Leiddu hugann að því hvað þú ert að setja ofan í þig. Rétt fæða getur reynst hið besta lyf.
Áður en þú stingur einhverju upp í þig, hugsaðu þá um hvað það er sem þú ætlar að fara að neyta.
-
Hvað er það og hvers vegna ætlar þú að borða það?
-
Líttu á matinn á disknum þínum sem uppsprettu heilsusamlegrar næringar – hann er ekki bara orkugjafi, hann hjálpar þér að ná heilsu.
-
Virtu fyrir þér bitann á gafflinum og sjáðu fyrir þér hvernig hann getur hjálpað þér til að verða hraust.
-
Tyggðu hvern bita að minnsta kosti 30 sinnum. Upplifðu hvernig bragðið breytist á meðan þú tyggur.
-
Kyngdu og leggðu frá þér hnífapörin. Taktu hlé á milli munnbita.
-
Þegar þú hefur snætt í 15 til 20 mínútur, spyrðu þá sjálfa þig hvort þú sért ennþá svöng eða hvort það mega líða nokkrir klukkutímar áður en þú færð þér aftur að borða.
-
Borðaðu þegar þú ert svöng og hættu þegar þú ert orðin mett. Ekki halda áfram að borða þangað til þér finnst þú standa á blístri.
Næsta síða: Hvernig borða má heilsusamlega á matsölustöðum og veitingahúsum
Síðast uppfært í júlí 2007