Tölvusneiðmyndun - CT
Tölvusneiðmyndun - CT
Ummæli læknis:
„Ekki er mælt með því að fólk fari reglulega í beinaskann eða tölvusneiðmyndun af höfði, bringu og kviði nema á ferðinni sé ákveðið vandamál sem læknir hefur áhyggjur af. Að finna meinvörp brjóstakrabbameins með þeim aðferðum miðað við að finna þau síðar eftir því sem sjúkdómi og einkennum vindur fram, eykur ekki lífslíkur né þann árafjölda sem fólk lifir eftir greiningu (lifun). Sái brjóstakrabbamein sér, er það meðhöndlað þegar það finnst, yfirleitt út frá einkennum.” —Emily Conant, M.D.
Tölvusneiðmyndun (CT = Computerized Tomography) er röntgentækni sem veitir læknum upplýsingar í tvívíðum sneiðmyndum eða þversniðum. Meðan á tölvusneiðmyndatöku stendur liggur sjúklingurinn á færanlegum bekk sem rennur í gegnum myndgreiningartæki sem er eins og kleinuhringur í laginu með opi í miðju. Tækið býr til samsetta, heildræna mynd af þeim hluta líkamans sem verið er að rannsaka.
Tölvusneiðmyndun er að jafnaði ekki sú aðferð sem stuðst er við til að meta ástand brjósta. Sértu með stórt krabbameinsæxli, gæti læknir þinn hugsanlega beðið um tölvusneiðmynd til að meta hvort gerlegt sé að fjarlægja það með brjóstnámi eða ógerlegt vegna þess að krabbamein hefur ratað inn í brjóstvegginn. Tölvusneiðmyndir eru notaðar til að skoða nákvæmlega eitla, lungu, lifur, heila, hrygg og önnur líkamssvæði. Með tölvusneiðmyndun er athugað hvort einhver merki finnast um dreift krabbamein (meinvörp) áður en meðferð hefst. Tölvusneiðmyndun er einnig notuð endrum og sinnum meðan á meðferð stendur til að kanna áhrif meðferðar.
Næsta síða: Blóðsýni
Síðast uppfært í apríl 2009