Þekking á fjöldskyldusögunni
Þekking á fjölskyldusögunni
Ummæli læknis:
„Allt brjóstakrabbamein er afleiðing afbrigðileika eða frávika í erfðavísum, hvort sem þau eru meðfædd eða hafa þróast með tímanum. Mikilvægt er að hafa hugfast að meðfæddur galli í erfðavísi þarf ekki að vera neitt alvarlegri en sá sem myndast á langri ævi. Það er komið undir eiginleikum krabbameinsins hve alvarlegt ástandið er, svo og þinni eigin heilsufarssögu og fjölskyldunnar."
—Marisa Weiss, M.D.
Ef til vill leikur þér hugur á að fá nánari vitneskju og ráðgjöf um erfðaþætti, láta rannsaka þig með tilliti til arfgerðar og fá að vita hvaða líkur eru á að þú fáir ættgengt brjóstakrabbamein.
Líklegt má telja að um ættgengt brjóstakrabbamein sé að ræða þegar:
-
Margar konur í fjölskyldu hafa greinst með brjóstakrabbamein, einkum hafi þær verið ungar þegar það greindist og meinið kom fram í báðum brjóstum.
-
Bæði er að finna tilfelli brjóstakrabbameins og krabbmeins í eggjastokkum í fjölskyldunni.
-
Karlmenn í ættinni hafa greinst með brjóstakrabbamein.
-
Brjóstakrabbamein er að finna í fjölskyldunni og karlkyns ættingjar í sömu ætt hafa á unga aldri fengið krabbamein í blöðruhálskyrtil eða ristil.
Flestar konur sem láta kanna þetta fá þá niðurstöðu að þær séu ekki með neinn sérstakan erfðagalla sem auki líkur þeirra á að fá brjóstakrabbamein. Hafir þú hins vegar greinst með afbrigðilegan erfðavísi brjóstakrabbameins er líklegt að hann hafi – að minnsta kosti að einhverju leyti – átt þátt í að þú fékkst brjóstakrabbamein.
Næsta síða: Leiðsögn fyrir konur með erfðavísi brjóstakrabbameins
Síðast uppfært í apríl 2011