Er krabbameinið staðbundið eða ífarandi?

Sé einhver einn þáttur mikilvægari en annar í að átta sig á hvað einkennir tiltekið brjóstakrabbamein er það hvort meinið er staðbundið (in situ) eða ífarandi (invasive). Ífarandi krabbamein sáir sér út fyrir mjókurgang eða mjólkurkirtil og vex inn í heilbrigðan aðlægan vef í brjóstinu. Hvort krabbamein er staðbundið eða ífarandi ákvarðar hvaða meðferðarleiðir eru mögulegar og hvernig þú kannt að svara þeirri meðferð sem þú færð.

Staðbundið brjóstakrabbamein heldur sig í mjólkurgangi eða mjólkurkirtli og sáir sér hvorki í aðliggjandi vef í brjóstinu eða önnur líffæri eða líkamshluta. Það getur hins vegar þróast yfir í eða aukið hættuna á alvarlegra og ífarandi krabbameini.

Ífarandi brjóstakrabbamein hefur aftur á móti brotist í gegnum þau mörk sem eðlilegur brjóstvefur setur og dreift sér yfir í aðliggjandi svæði. Lestu um niðurstöður rannsóknar þar sem fjallað er um meðferð sem minnkar líkur á að fá ífarandi krabbamein eftir að hafa greinst með DCIS (staðbundið krabbamein í mjólkurgangi). Ífarandi krabbamein er mun hættulegra en staðbundið krabbamein og getur dreift sér til annarra hluta líkamans með blóðrás og sogæðakerfi.

stækka mynd

Eðlilegt brjóst og stækkað þversnið af eðlilegum mjólkurgangi Þversnið: A Mjólkurgangar B Mjólkurkirtlar C Víkkaður mjólkurgangur fyrir brjóstamjólk D Geirvarta E Fita F Brjóstvöðvi, pectoralis major G Bringa/brjóstkassi Stækkun: A Eðlilegar frumur í mjólkurgangi B Gangnahimna C Hol (miðja gangsins)

Þú getur lesið meira og skoðað myndir af mismunandi tegundum staðbundis og ífarandi brjóstakrabameins á eftirtöldum síðum:

• Staðbundið krabbamein í mjólkurgangi (DCIS)

• Staðbundið krabbamein í mjólkurkirtli (LCIS)

• Ífarandi krabbamein frá mjólkurgangi (IDC)

• Ífarandi krabbamein frá mjólkurkirtli (ILC)

ÞB