Langvarandi áhrif estrógens
Langvarandi áhrif estrógens
Í stuttu máli:
Fýsi þig að fá meira að vita um líkur á brjóstakrabbameini geturðu beðið lækni þinn eða hjúkrunarfræðing að hjálpa þér að setja saman fjölskyldusöguna og meta líkurnar með reiknilíkani Krabbameinsstofnunar Bandaríkjanna (á ensku) "Breast Cancer Risk Assessment Tool."
Langvarandi og óslitin áhrif estrógens geta aukið líkur á brjóstakrabbameini. Vöxtur brjóstafrumna – eðlilegra jafnt sem óeðlilegra – örvast af estrógeni. Bæði á það við um estrógen sem þinn eigin líkami framleiðir á venjulegan hátt og það estrógen sem þú færð í líkamann með því að taka inn töflur (til dæmis við tíðahvarfaeinkennum). Eftirtaldir áhættuþættir brjóstakrabbameins eru taldir tengjast langvarandi og samfelldum áhrifum estrógens í líkamanum:
-
Að blæðingar hefjist á ungum aldri (fyrir 12 ára aldur).
-
Að fara seint inn í tíðahvörf (eftir 55 ára aldur).
-
Að verða fyrir áhrifum estrógens úr umhverfinu (eins og því sem notað er til að fita nautgripi til manneldis eða sem snefilefnis úr skordýraeitrinu DDT sem líkir eftir áhrifum estrógens á líkamann þegar það brotnar niður).
Á ofangreind atriði getur þú lítil eða engin áhrif haft. Um aðra áhættuþætti kann að gegna öðru máli:
-
Að fá sér fleiri en tvo áfenga drykki á viku því að það getur dregið úr hæfileika lifrarinnar til að stjórna estrógenmagni í blóði.
-
Að vera í hormónameðferð við tíðahvarfaeinkennum lengur en í fimm ár með estrógeni einu og sér eða með estrógeni og prógesteróni saman (líkur aukast um 5-40%, en flest tilfelli brjóstakrabbameins hjá konum í hormónameðferð við tíðahvarfaeinkennum hafa tilhneigingu til að vera á byrjunarstigi og afar læknanleg).
-
Að hafa aldrei gengið með og alið fullburða barn.
-
Að fæða fyrsta barn eftir þrítugt (fleiri ár sem líkaminn framleiðir estrógen óslitið).
-
Að vera of þung því að það eykur framleiðslu estrógens víðar en í eggjastokkum og þar með bætist við estrógenmagn líkamans.
Næsta síða: Frumubreytingar í brjóstum
Síðast uppfært í febrúar 2009