Sögusagnir um skurðaðgerðir
Sögusagnir um skurðaðgerðir
Alls kyns sögur um skurðmeðferð við brjóstakrabbameini hafa gengið frá einni kynslóð kvenna til annarrar. Nógu erfitt er að fást við það sem er raunverulegt í sambandi við sjúkdóminn þótt ekki þurfi að hafa áhyggjur af einhverju sem enginn fótur er fyrir. Mikilvægt er að láta ekki útbreiddar ranghugmyndir koma í veg fyrir að valin sé besta hugsanlega meðferð. Hér á eftir fara nokkrar algengar sögusagnir um skurðaðgerð við brjóstakrabbameini:
1. Skurðaðgerð hleypir andrúmslofti að krabbameininu og veldur því að það sáir sér.
Rangt.
Þér líður ljómandi vel og svo uppgötvast skyndilega eitthvað grunsamlegt í brjóstinu. Skurðaðgerð er framkvæmd og sjúkdómsgreiningin er staðfest enn á ný: Krabbamein. Þegar fleiri rannsóknir sýna að krabbamein er einnig að finna annars staðar í líkamanum gæti þér dottið í hug að skurðaðgerðin hafi orðið til þess að sleppa krabbameinsfrumum út þannig að þær fari um allan líkamann (“Það er staðreynd að ég fann ekkert fyrir þessu fyrr en eftir aðgerðina”). Fjarmeinvörp frá brjóstakrabbameini (krabbamein sem hefur sáð sér út fyrir brjóstið í önnur svæði líkamans) getur verið lengi til staðar án þess að vitað sé af því. Skurðaðgerð var ekki orsök þess að krabbamein fannst annars staðar, það var fyrir hendi löngu fyrir skurðaðgerðina.
2. Brjóstnám er öruggara en fleygskurður og geislameðferð.
Rangt.
Sé kona með brjóstakrabbamein í öðru brjóstinu og æxli minna en fjórir sentimetrar sem er fjarlægt með hreinni skurðbrún reynist fleygskurður ásamt geislameðferð jafn áhrifarík meðferð og brjóstnám (að fjarlægja allt brjóstið).
3. Sé krabbamein algengt í fjölskyldu minni er ekki heppilegt að fara í fleygskurð og eftirfarandi geislameðferð.
Rangt.
Þótt krabbamein sé algengt í fjölskyldu þinni þarf það ekki að þýða að meinið sem þú greinist með sé hættulegra en önnur og það merkir alls ekki að meðferð sem miðast að því að þú haldir brjóstinu að mestu leyti henti þér ekki. Þú og læknir þinn munuð ræða nokkra þætti sem skipta máli þegar ákveðið verður hvers konar skurðaðgerð er best fyrir þig og þeir eru:
-
hvers konar eftirmeðferð þú ert tilbúin að samþykkja til að fyrirbyggja að krabbameinið taki sig upp aftur eða nýtt krabbamein stingi sér aftur niður í sama brjósti.
4. Þurfi að fjarlægja eitla verður handleggurinn bólginn framvegis.
Rangt.
Þegar eitlar í holhönd eru fjarlægðir með skurðaðgerð getur það valdið óþægilegum aukaverkunum, þar á meðal viðvarandi verkjum, doða og sogæðabólgu. Þetta gerist yfirleitt aðeins í 5 til 10 tilfellum af hverjum hundrað. Líkur á sogæðabólgu geta farið upp í 25% séu allir eitlar fjarlægðir, (eitlar í röð I, II og III) ásamt því að eitlasvæðið er geislað eftir aðgerð ásamt krabbameinslyfjameðferð. Að beita handleggnum rétt, fá sjúkraþjálfun og gæta að ýmsum öðrum þáttum getur stuðlað að því að koma í veg fyrir sogæðabólgu, halda henni niðri og/eða draga úr áhrifum hennar.
Næsta síða: Sögusagnir um geislameðferð