Meðferð

Á undanförnum árum hafa orðið stórstígar framfarir í meðhöndlun brjóstakrabbameins og með nýjum meðferðarleiðum aukast væntingarnar. Í stað þess að eingöngu sé um að ræða eina eða tvær mismunandi meðferðarleiðir er nú hægt að velja úr fjölda meðferða sem hægt er að beita á þær mismunandi frumugerðir sem er að finna í hverju einstöku krabbameinstilfelli. Úrræðin - skurðaðgerð, að henni lokinni ef til vill geislameðferð, andhormónameðferð og/eða meðferð með krabbameinslyfjum - geta virst yfirþyrmandi.

Unnt er að hjálpa þér að skilja á hvaða stigi krabbamein þitt er og hvaða kostir eru tiltækir í stöðunni þannig að læknir þinn og þú getið komist sameiginlega að niðurstöðu um hvaða meðferðarleiðir eru heppilegastar fyrir ÞIG.

*Hafi þér ekki gefist ráðrúm til að mynda þér skoðun eða láta hana í ljósi eða vilt helst af öllu láta ákvörðunina alfarið í hendur krabbameinslækni þínum, getur samt hugsast að síðar meir langi þig til að átta þig betur á því sem var gert eða stendur til að gera. Tíminn með krabbameinslækni er fljótur að líða og margar spurningar vakna venjulega að honum loknum, jafnvel þótt þú hafir undirbúið þig vel og haft með þér minnislista. Hér á eftir er margvíslegum spurningum svarað:

• Meðferðarúrræði
  Hvaða meðferðarleiðir eru til og hverjar eða hver þeirra kynni að henta þér?

• Skurðmeðferð
  Fleygskurður. Tekinn er hluti af brjóstinu en annað skilið eftir. Brjóstnám. Brjóstið er allt tekið. Varðeitlataka og - ef meinvörp finnast í eitlunum - brottnám þeirra. Hér geturðu lesið um hvað hver skurðaðgerð um sig hefur í för með sér.

• Geislameðferð
  Hvað hún er, hvaða tilgangi hún þjónar, hliðarverkanir og hverju þú mátt búast við þegar þú ferð í hana.

• Marksækin meðferð (mótefnismeðferð) - Herceptin®
  Hvernig það vinnur, hverjum það hentar, hvernig það er gefið, aukaverkanir og helstu rannsóknir.

• Móthormónameðferð, öðru nafni and-östrogenmeðferð
  Sambandið milli hormóna og brjóstakrabbameins og hvernig mismunandi tegundir lyfja – þar á meðal ERD-lyf, SERM-lyf og aromatase-hemlar – geta haft áhrif á það samband.

• Krabbameinsyfjameðferð
  Hverjir ættu að fá hana, hvernig hún virkar, mismunandi tegundir, aukaverkanir og hvernig má takast á við þær.

• Óhefðbundnar meðferðir
  Yfirlit yfir nýlegar rannsóknir á hugsanlegum möguleikum óhefðbundinna aðferða við að draga úr aukaverkunum meðferðar með krabbameinslyfjum og einkennum tíðahvarfa.

• Að byggja upp heilsu til langframa
  Hvers vegna mikilvægt er að halda sig við meðferðaráætlun, bregða ekki út af lyfjatökum, halda áfram að fara reglulega í skoðun og láta fylgjast með heilsunni með það fyrir augum að halda henni góðri um mörg ókomin ár.

*Málsgrein merkt stjörnu er innskot þýðanda og ábyrgðarmanns.

Næsta síða: Yfirlit yfir mismunandi meðferðarleiðir

Síðast uppfært í janúar 2008

Til baka, Senda grein, Prenta greinina