Aukaverkanir geislameðferðar
Aukaverkanir geislameðferðar
Ummæli læknis:
„Tvennt af því sem mér ber að gera sem læknir og sérfræðingur í geislalækningum er annars vegar að segja þér við hverju er raunhæft að búast af meðferðinni þannig að ekkert komi þér verulega á óvart og hins vegar að fylgjast með viðbrögðum þínum við geislun þannig að ég geti auðveldað þér að komast í gegnum meðferðina. Þó að við reynum eftir megni að sjá til þess að aukaverkanir verði sem allra minnstar, verður þú trúlega fyrir einhverjum óþægindum af völdum hennar. Flest af því má þó laga til muna með ýmsum ráðum.” - Marisa Weiss, M.D.
Mörgum sjúklingum kemur á óvart hve geislameðferðin er miklu auðveldari en þeir höfðu gert sér í hugarlund. Hugmyndir þeirra um ýmsar hliðarverkanir sem þeir bjuggust við reyndust einskær misskilningur. Það breytir því ekki að geislameðferð í þeim tilgangi að gera út af við krabbameinsfrumur í líkamanum getur einnig skaðað heilbrigðar frumur og áhrifin leyna sér ekki. Líkt og ávinningur af geislameðferð kemur smám saman muntu einnig smám saman fara að finna fyrir hliðarverkunum.
Í þessum hluta er lýst í grófum dráttum þeim viðbrögðum sem þú mátt búast við að líkaminn sýni við geislameðferð þannig að þú getir búið þig undir að takast á við þau.
Með því að sjá viðbrögðin fyrir og bregðast fljótt við þeim getið þið læknir þinn dregið mjög úr áhrifum þeirra á tilveru þína. Ekki eru allir sem finna fyrir aukaverkunum. Að meðferð lokinni er algengast að aukaverkanir heyri einnig sögunni til án þess að veitt sé einhver sérstök læknishjálp við þeim.
Heilræðin sem hér fylgja á eftir – til viðbótar við fundi þína með geislalækni og hjúkrunarfræðingi – geta hjálpað þér að takast á við aukaverkanir, verði þeirra vart.
Næsta síða: Viðbrögð húðarinnar
Síðast uppfært í nóvember 2010