Marksækin meðferð
Marksækin meðferð ("Targeted Therapy")
Marksæknar meðferðir eru lyfjameðferðir við krabbameini sem beint er að ákveðnum eiginleikum krabbameinsfrumna svo sem prótíni, ensími eða nýmyndun æða. Marksækin lyf skaða almennt ekki eðlilegar, heilbrigðar frumur. Mörg marksækin lyf eru mótefnalyf sem starfa á sama hátt og mótefni mynduð af líkamanum sjálfum. Því eru marksæknu meðferðirnar einnig oft kallaðar ónæmismeðferðir. Að þessu leyti eru meðferðir með marksæknum lyfjum afar ólíkar hefðbundnum krabbameinslyfjum.
-
Trastuzumab (Herceptin®)
Herceptin® er best þekktasta marksækna lyfið við brjóstakrabbameini. Herseptín hrífur aðeins á frumur sem eru með of marga HER2 (prótín) viðtaka. Herseptín getur haft í för með sér þekktar hættulegar aukaverkanir. -
Lapatinib (Tyverb®/Tykerb®)
Lapatinib er annað marksækið lyf sem vinnur á brjóstakrabbameinsfrumum með yfirtjáningu (of marga) HER2-viðtaka. Til þess bærar stofnanir hafa samþykkt að lyfið sé gefið ásamt capecitabine (Xeloda®) sem meðferð við langt gengnu HER2-jákvæðu brjóstakrabbamein sem anthracylin-lyf, taxane-lyf og herseptín eru hætt að virka á. -
Avastin®
Avastin® (bevacizumab) er einnig marksækið lyf. Avastin kemur í veg fyrir nýmyndun æða sem flytja næringu til krabbameinsfrumna. Samþykkt er að Avastin® sé notað til meðferðar við ákveðnum tegundum langt gengins krabbameins í lungum, ristli og endaþarmi. Verið er að rannsaka áhrif bevacizumag þegar það er gefið ásamt Taxol® (paclitaxel) til að kanna hvort þessi lyf geti í sameiningu bætt árangur við meðferð á útbreiddu brjóstakrabbameini betur en taxol eitt og sér.
Ný marksækin lyf stinga reglulega upp kollinum. Fylgstu með á brjostakrabbamein.is eða breastcancer.org til að fylgjast með nýjungum í þessari meðferðarleið.
Næsta síða: Herceptin®
Síðast uppfært í júlí 2008