Yfirlit yfir mismunandi meðferðarleiðir
Yfirlit yfir mismunandi meðferðarleiðir
Fyrir hvert stig brjóstakrabbameins koma í grófum dráttum þrjár leiðir til greina við meðhöndlun sjúkdómsins. Hvaða leið eða leiðir verða fyrir valinu ákveðið þið saman, þú og krabbameinsteymið þitt:
-
Staðbundinni/svæðisbundinni meðferð er beint að brjóstinu og eitlum umhverfis brjóstið. ("Svæðisbundinn" vísar til eitla sem er að finna í líkamanum nálægt brjóstinu - aðliggjandi eitla.) Þegar um dreift krabbamein er að ræða er stundum gripið til staðbundinnar meðferðir á afmörkuðum svæðum þangað sem krabbameinið hefur sáð sér, t.d. í bein eða lungu.
-
"Kerfislæg" meðferð er meðferð sem hefur áhrif á allan líkamann og er í rauninni lyfjameðferð af einhverju tagi.
-
Óhefðbundnar meðferðir eða heildrænar meðferðir snúast um manneskjuna sem heild, ekki aðeins líkamann heldur einnig huga hennar og sál.
Læknarnir sem tóku saman efnið í Yfirlit yfir mismunandi meðferðarleiðir eru:
-
Thomas G. Frazier, M.D., almennar skurðlækningar og brjóstaskurðlækningar við Thomas Jefferson University Health System, Philadelphia, PA
-
Lydia Komarnicky, M.D., brjóstakrabbameins- og geislunarlæknir við Thomas Jefferson University Health System, Philadelphia, PA
-
Kathy Miller, M.D. lyflækningar og krabbameinslækningar við Indiana University, Indianapolis, IN
-
Blanche Reiner, R.N., hjúkrunarfræðingur, sérhæfður í krabbameinshjúkrun við University of Pennsylvania Health System, Philadelphia, PA
-
Sandra F. Schnall, M.D., lyf- og krabbameinslækningar/ blóðmeinafræðingur við Thomas Jefferson University Health System, Philadelphia, PA
-
Marisa C. Weiss, M.D., krabbameins- og geislunarlæknir við Thomas Jefferson University Health System, Philadelphia, PA
Þessir læknar eru allir í ráðgefandi læknaráð breastcancer.org þar sem yfir 60 sérfræðingar á sviði krabbameinslækningar eiga sæti.
Þeir sem lesið hafa íslenska þýðingu á meðferðahlutanum eru Helgi Sigurðsson, prófessor í krabbameinslækningum við Landspítala-Háskólasjúkrahús og Sigurður Böðvarsson, læknir, sérfræðingur í lyf- og krabbameinslækningum.
Næsta síða: Staðbundin meðferð
Síðast uppfært í júlí 2008