Aðferðin

Í hverju felst varðeitlagreining?

Á skurðstofunni sprautar skurðlæknir geislavirkum vökva, bláu sporefni eða hvoru tveggja í svæðið umhverfis æxlið. Síðan bíður læknirinn þess að sjá hvert liturinn fer eða þjappast saman. Sérstakt tæki er notað til að fylgjast með geislavirkum vökvanum.

Með þessari aðferð má sjá hvaða leið sogæðavökvinn rennur úr þeim hluta brjóstsins sem „hýsti" æxlið. Hún sýnir hvaða eitill er „varðeitill" tiltekins æxlis. Eftir að varðeitill hefur verið fjarlægður ásamt tveimur eða þremur eitlum sem næstir honum liggja, skoðar læknirinn þá á skurðstofunni og þreifar til að kanna hvort krabbamein virðist hafa borist í þá. Þetta er aðeins ónákvæm skoðun og skilar ekki endanlegum niðurstöðum. Því næst eru eitlarnir sendir á rannsóknastofu þar sem meinafræðingur skoðar þá í smásjá.

Næsta síða: Næstu skref

 

Síðast uppfært í júlí 2008

Til baka, Senda grein, Prenta greinina