Geislameðferð á bringu eða andlit fyrir þrítugt

Hafir þú farið í geisla á bringu sem meðferð við öðru krabbameini en brjóstakrabbameini, eins og Hodgkin-veiki eða eitilfrumukrabbameini (ekki Hodgkin), eru líkurnar á að fá brjóstakrabbamein yfir meðallagi. Hafir þú farið í geisla á andlitið sem unglingur sem meðferð við bólum (nokkuð sem ekki er gert lengur), aukast líkur á að fá brjóstakrabbamein síðar á ævinni. Hve mikið þær aukast er háð aldrinum sem þú varst á þegar þú fórst í geislana. Mest eykst hættan ef geislar voru gefnir á unglingsaldri á meðan brjóstin voru að mótast. 

Skref sem unnt er að stíga

Hafir þú farið í geisla þegar þú varst yngri til að fá árangursríka meðferð við öðru krabbameini eða bólum, veistu hve mikivægt það er að haga lifnaðarháttum sínum þannig að líkum á brjóstakrabbameini sé haldið í lágmarki með því:

• Að vera hæfilega þung/ur,

• að hreyfa sig reglulega,

• að halda áfengisneyslu í lágmarki,

• að neyta næringarríkrar fæðu,

• að byrja aldrei að reykja (eða hætta strax). 

Þetta eru aðeins fáein skref af mörgum sem unnt er að taka í rétta átt. Hér til hliðar eru tenglar þar sem lesa má um fleiri möguleika.

ÞB