Kynþáttur/uppruni

Líkur hvítra kvenna á að þróa með sér brjóstakrabbamein eru svolítið meiri en kvenna af afró-amerískum, spænskum eða asískum uppruna. Hins vegar eru meiri líkur á að konur af afró-amerískum uppruna þrói með sér á unga aldr iágengara (aggressive) og lengra gengið brjóstakrabbamein þegar það greinist. Einnig eru meiri líkur á að konur af afrískum uppruna látist af völdum brjóstakrabbameins. Munurinn kann að liggja í lélegra aðgengi að brjóstamyndatöku og lakari heilsugæslu svo og ýmsum breytum í lifnaðarháttum (t.d. mataræði og líkamsþyngd) sem eru algengari meðal sumra kynþátta en annarra. Þessum þáttum má breyta eða bæta þá.

Staðreyndin er sú, að þrí-neikvætt brjóstakrabbamein, sem er ágengara en aðrar tegundir, er algengara hjá blökkukonum en konum af öðrum kynstofnum. Greinist þrí-neikvætt brjóstakrabbamen, eru frumurnar ekki með viðtaka fyrir estrógen (estrógen-viðktaka-neikvætt), ekki með viðtaka fyrir prógesterón (prógesterón-viðtaka-neikvætt) og HER2-neikvætt. Verið er að rannsaka áhrif nýrra lyfja með klínískum rannsóknum. Hinsvegar er fjöldi amerískra kvenna af afrískum uppruna í þessum klínísku rannsóknum minni en skyldi og því hafa þær ef til vill síður aðgang að þeim lyfjum sem gefa bestu fyrirheitin um árangur.

Skref sem unnt er að stíga

*Fyrsta málsgreinin sem fer hér á eftir, á ekki við hérlendis þar sem allir eiga að hafa jafnan aðgang að heilbrigðisþjónustu þótt það fari eftir búsetu hve aðgengileg hún er. Ágætt að láta minna sig á hve vel við erum sett þrátt fyrir allt.

Þótt þú getir ekki breytt kynþætti þínum, geturðu stefnt að því að fá betri heilsugæslu og betri aðgang að þeim leitartækjum sem geta bætt almenna heilsu þína og afleiðingar þess brjóstakrabbameins sem þú kannt að greinast með. Reknar eru þjónustumiðstöðvar mjög víða og/eða leita má til stuðningshópa við brjóstakrabbameinsgreinda sem geta vísað þér til lækna. Hugsanlega er hægt að fá ódýra brjóstamyndatöku á spítalanum í heimabyggð þinni. Deild ameríska krabbameinsfélagsins á þínum slóðum getur líka reynst góður staður til að byrja á. Mikilvæt er að allar konur viti af þeim klínísku rannsóknum sem eru í gangi og þær kunna að passað inn í. Farðu inn á Clinical Trials hjá breastcancer.org til að afla þér frekari upplýsinga.

Auk þessa getur þú valir að gera ákveðnar breytingar á lifnaðarháttum sem geta haldið líkum á að fá brjóstakrabbamein í mögulegu lágmarki:

•  Að vera eða verða hæfilega þung/ur,

• að hreyfa sig reglulega,

• að halda áfengisneyslu í lágmarki,

• að neyta næringarríkrar fæðu,

• að byrja aldrei að reykja (eða hætta strax).

Þetta eru aðeins fáein skref af mörgum sem unnt er að taka í rétta átt. Hér til hliðar eru tenglar þar sem lesa má um fleiri möguleika

Síðast uppfært í mars 2011

Til baka, Senda grein, Prenta greinina