Styrktaraðilar
Styrktaraðilar
Allt starf, vefhönnun, þýðing, lestur og annað, hefur til þessa verið unnið endurgjaldslaust og í sjálfboðavinnu. Þakkir mínar til þeirra sem hafa komið að verkinu á ýmsan hátt eru tíundaðar á síðunni um þýðanda og ábyrgðarmann. Nöfn þeirra sem styrkja eða hafa styrkt vefinn með beinum hætti birtast hér að neðan.
Að halda vefsvæðinu úti, uppfæra það og kynna fyrir almenningi, krabbameinssjúkum og aðstandendum þeirra, kostar peninga. Þrátt fyrir erfiða tíma er von mín sú að takast megi að afla þeirra fjármuna sem nauðsynlegir eru. Hafir þú sem þetta lest hug á að leggja þessu þarfa málefni lið, bið ég þig að fara inn á forsíðuna þar sem er bleikur hnappur: VILTU STYRKJA SÍÐUNA. Með því að smella á hann eða hér fást nauðsynelgar upplýsingar til að koma framlagi inn á réttan reikning.
Hugsmiðjan var stofnuð árið 2001 og er eitt reyndasta veffyrirtæki Íslands. Eplica vefumsjónarkerfi Hugsmiðjunnar er í fararbroddi íslenskra vefkerfa varðandi aðgengi allra notenda og er notað á yfir 300 vefsvæðum fyrirtækja, stofnana og samtaka.
Starfsmenn Hugsmiðjunnar eru meðvitaðir um mikilvægi þess að nýta þekkingu sína til að láta gott af sér leiða. Auk þess að láta sig varða aðgengi fatlaðra að vefjum og þjónustu er Hugsmiðjan virkur þátttakandi í því að styrkja góð málefni.
Eigendur Hugsmiðjunnar, fyrrverandi og núverandi, gerðu það mögulegt á sínum tíma að setja upp vefinn brjostakrabbamein.is með því að leysa af hendi alla vinnu við hann endurgjaldslaust.
Hjónin Þórarinn Stefánsson og Helga Waage leggja til þjónustu Vefþulunnar án endurgjalds og er þeim þakkað örlætið af heilum hug. Stöðugt framlag þeirra er ómetanlegt.
http://www.hexia.net/upplestur
Styrkir fengust árið 2009 til útgáfu á kynningarefni frá Krabbameinsfélagi Íslands, kr. 500 þúsund og Samhjálp kvenna, kr. 250.000 sem einnig nýttust til að greiða fyrir hýsingu og þjónustu.
Ekki var leitað styrkja árið 2010.
Á árinu 2011 fengust styrkir til rekstursins frá Krabbameinsfélagi Íslands, kr. 250 þúsund, Krabbameinsfélagi Reykjavíkur, kr. 150 þúsund, Krabbameinsfélagi Hafnarfjarðar kr. 100 þúsund, Samhjálp kvenna, kr. 50 þúsund, frá Össuri hf kr. 50 þúsund, Sverri Kristinssyni, kr. 25 þúsund og frá Gerrit Schuil kr. 10 þúsund sem í stað þess að senda vinum og vandamönnum hefðbundið jólakort sendir árlega kveðjur rafrænt og styður gott málefni með því sem sparast. Þetta árið naut brjostakrabbamein.is góðs af því. Innilegar þakkir til ykkar allra.
Hinn 25. nóvember 2011 var veitt viðurkenning og styrkur úr Samfélagssjóði Landsbanka Íslands að fjárhæð kr. 500 þúsund sem þeginn er með miklu þakklæti.
INNILEGAR ÞAKKIR FYRIR STUÐNINGINN!
Síðast uppfært í janúar 2012